.jpg)
الاول كده حمدالله علي سلامتي .. الله يسلمكوا شكرا شكرا
انا اسفه جدا اني غايبه طول الفتره دي بس مش بمزاجي ده كان غصم واقتدار امتحانات وشغل وسفر للجزائر ( ابقوا فكروني احكيلكوا عاللي حصل اليوم ده ) وكمان تمرينات عشان انا اتعاقدت مع نادي درجه تانيه ف السويد عشان العب كوره زي مانتم عارفين
وطبعا مش لاقيه وقت افكر حتي
بس انا هادخل من وقت للتاني اشقر علي حبايبي الحلوين الامامير المدونين
وسمعني احلي سلام يا جدع للمدونين
================
بعد شغل الاتحاد الاشتراكي اللي فوق ده انا ليا تعليق محبوس في زوري ونفسي اكح ويطلع
الناس كلها سايبين الموضوع الاساسي ان احنا اتطرقعنا من امريكا , وكلهم بيتكلموا علي اللاعيبه كان معاهم بنات في الاوض ولا لأ. ماهو حاجه من الاتنين يا اما الناس دي جابت بنات فعلا وكانوا بيلعبوا علي ركبهم يا اما ماجابوش . وباارضه كانوا بيلعبوا علي ركبهم وباستثناء الحكم الاولاني انهم جابوا بنات يبقي ايه السبب التاني اللي خلاهم بالمنظر ده حد يقولي بس ماحدش يتعصب
25 التعليقات:
لا طبعا كل ده كدب وافتراء
لان جنوب افريقيا حبت تعمل كده عشان مونديال 2010 وخايفين الفيفا مش تعمل المونديال هناك عشان لو عرفوا ان البلد فيها اضطراب امني
فعملوا الفيلم ده
وعشان ربنا يبين كدبهم منتخب البرازيل اتسرق هو كمان وده لينك الموقع
http://sports.yahoo.com/sow/news?slug=ap-confedcup-robberies&prov=ap&type=lgns
يعني ربنا الحمد لله بين الحقيقه
وبعدين احنا بلد معاكو معاكو عليكوا عليكوا
مااحنا كنا لسه طايرين بيهم من يومين وقلنا دول رجاله محصلوش
ولما يخسروا وده وارد جدا لانها رياضه نتكلم في اعراضهم بالشكل المهين ده
لا طبعا والف احنا مصريين زي بعض ولو احنا قلنا كده الناس الي بره تقول ايه بقي
تقبل مروري
حمد الله علي سلامتك
تصدقي بارضه الموضوع محير
ولو اني ميال لحتة انه متلفقلهم عشان سمعة جنوب افريقيا
بس يعني اشمعنا عملوا رجاله علي عمرو اديب وماحدش فتح بؤه لصحافة جنوب افريقيا وبوليس جنوب افريقيا غير لما عمرو اتكلم
:D
يابت وحشاااااااااااااااااااني اخيرا نورتي البتاعه الي كانت ضلمت دي
بصي ياروح قلب مونتك
الحكايه كلها ناس ولاد كلب بتغطي ع فضيحة ف سمعتها المتهببه بستين نيله
جنوب افريقيا اعلى معدلات جريمه ف العلام وفيها اكتر من 1000000 حاله ايدز متسجله
منتخبنا مش هينحرف الا مع دول :S
ياحبيبة قلبي كل الحوار ان شويه عيال سيس من كاست الفندق سرق اللاعيبه والمسئولين السيس بردوا بتوع جنوب افريقيا قالوا بدل مانلبسها احنا وكاس العالم يضيع لا احنا نلبسها للمنتخب المصري المقصوص ريشه
وكان بها وبقينا عيال كلب ومنحرفين وكمان هورني :D
وبعدين قوليلي بس مين الكميلا العسلا الي هيجيب حريم ف الفندق والدور الي كلهم فيه في سمير زاهر ورئيس البعثه وابو تريكاااااا هيهيهيهي فكرك هيسكت يعني :D
وبعدين بعد ماتش ايطاليا ما الحياه كانت بث مباشر من هناك لحد 3 الفجر امتى جابو النسوان ياهوووو
بصي ياروح قلبي السبب الي خلانا نلعب ع ركبنا هو اننا اتنيلنا لعبنا ماتشين بعشر ماتشات قدام ايطاليا والبرازيل ف اسبوع واحد وعملنا مجهود جبار دفاعا وهجومها ودخلنا بقى ماتش امريكا بفضل الاعلام المصري الجهبذ كأننا رايحين نتفسح ف حصل الي حصل
فخمتو ياخواجه
يلا بقى العبي كورة وارفعي اسم مصر اوعي تجيبي مزز الاوضه :P هعهعهع
بحبك يابت
موووووووواه
امسكي يا وليه
http://forum.kooora.com/f.aspx?t=17612398
واهو اديب طلع اعتذر وقال انه مستعد يبوس راس كل لاعب :D
والخبر ده ف فيالجول كمان
اشطات كده
سمسمتىىىىىىىىىىىىى
و نبى ما تخدينى معاكى ألعب كورة ,صحيح أنا لسه عارفة امبارح ايه موضوع لاعب خط الوسط ده , بس ييجى منى برده
هو الموضوع تلفيق طبعا , و سلطات جنوب أفريقيا نابهيين ع الأخر , لأن حتى لو هما جابوا بنات يبقى الفندق اللى سمح بكده و طلعهم
متغبيش كده ده أنتى اكيد فى زحمة يومك دى عندك مغامرات بالهبل تتحكى
سلام
http://www.facebook.com/profile.php?id=903910034&ref=profile#/note.php?note_id=100573646810&ref=mf
دي النوت بتاعتي اللي شرحت فيها الموضوع
الخلاصة يا كابتن ..عمرو لم يخطا لتناوله الموضوع لأن ناقل الكفر ليس بكافر
فقط ..يعاب عليه إستخدامنه لفظ نجاسة
طالما احنا واثقين من لاعبيتنا يبقي الحل الوحيد هو مقاضاة الصحيفة وطكلب تعويض ورد شرف واعتذار..لو معملناش كده..يبقي للاسف كلامهم صح ويبقي اتحاد الكوسة بيطرمخ ع الموضوع
ربنا يوفقك وبإذن الله موسم أو اتنين بالكتير ونشوف الكابتن سامو نجم الدرجة الأولي
تحياتي
حمد لله على السلامة بس بعد كوووووووول ده تتعاقدي مع درجة تانية مكنتش فاكر كده ابدا ابدا درجة تانية وعمال يتقالي موواويل وحرنكشات درجة تانية يا بنتي كنت مجهزلك عقدين واحد من مركز شباب البوهي والتاني من مركز شباب امبابة والاتنين اصلي المركز الاول تحت بيت تررم والمركز التاني كانت مدرستي انا وتررم
ربنا يوفقك ولالاقيكي بترقصي الولية مرات رونالدو عشان غايظاني
حمدلله على السلامه يا كابتن وربنا يوفقك
بالنسبه للمنتخب انا مش بالعه حكايه تلفيق جنوب افريقيا دى اصل كده كده هم معروف انهم الدوله رقم 3 على مستوى العالم فى الجرائم 200000 بيتقتلو سنويا وبرده مش مقتنعه حكايه ان المنتخب جاب بنات يعنى محبكتش يعنى فى بطوله القارات عموما مصادرى السريه فى جنوب افريقيا هتجبلى الى فيها قريب
حمدالله على السلامه يا كابتن اسماء و نورتى البلوجز كلها
بالنسبه لموضوع البنات ده فانا مش مصدقه ... يمكن فيه شويه لعيبه اصدق عليهم الكلام ده و انا مغمض .. بس الباقيين لا
و بالنسبه لشكلنا الوحش اللى كان زى الزفت ... الله اعلم
ردينا من غير عصبيه اهو
حمدالله على السلامه يا مكعب السكر
ديالا
هو ايه ده اللي كله كدب وافتراء
بالنسبه لايه يعني
انا فرضت الحلين وطلبت اجابه ماتهمتش حد اظن يعني
هدي اعصابك بس مش كده
واحد ليمون يا مسعد
نورتي
ومتهيالي دي اول مره تيجي هنا
شكلك ماتعرفيش النظام عشان كده عادي بقي نتغاضي عن النرفزه دي
نورتي تاني
زيكا
ايوه يا زيكا ولا انا كنت مصدقه خصوصا ان اللاعيبه اللي اتسرقت منها لاعيبة الاهلي
عارف لو عمرو زكي او جمال حمزه او الناس الحلوه دي كان بقي فيها كلام تاني هههههه
بس صحيح ليه ماردوش الاول علي صحف جنوب افريقيا ليه استنوا لحد اما عمرو يفضحهم عشان يتكلموا
منور يا ابو الزييييك
موني
وانتي كمان يا قمر واحشاني
هه
خلاص بقي مش هارد عشان انتي عارفه ردي هههههههههههه
لا انا مش هاجيب موزز الاوضه انا هاخرجلهم بره هههههه
وانا كمان بحبك
امممممموا :D
موني تاني
احدفي :D
يالا خير وانتي عامله ايه دلوقت :D
سااااااااااااره
ههههه حلوه دي يا ساره بصي انا بقي لاعب الوسط ده قليلي قالولك ايه عن مركزي يحسن يكونوا قالولك حاجه غلط
وبعدين لما تحبي تعرفي معلومه ابق تعالي لاهل الخبره هههههههههههه
هو تلفيق يا ساره بس الموضوع اصله محير شويتين :D
حاضر يا قمري مش هاغيب ماتغيبيش انتي بس
سلام
مايكل
الكبير كبير يا مايكل باشاااا
:D
عمرو تعلب
ازيك يا عمرو عامل ايه يابني
بص انا اختبرت كذا نادي درجه اولي مارضيوش عشان ظروف شغلي واان هالعب كوره يعني هالعب كوره " غصب عن عين التخين هههههه " فقولت يعني درجه تانيه درجه تانيه مالها يعني الدرجه التانيه وبعدين ما تعمليش فيها ابراهيم سعيد ياخويا اعد ساكت
عارفه ياخويا الانديه دي مانا روحت عند زيكا قبل كده
ماااجي
الله يسلمك يا قمرايه
ايه اخبار مصادرك في جنوب افريقيا قالولك ايه
قوليلنا يا مجمج
che
ايوه كويس انت يا عمرو بترد بالراحه وبتسمع الكلام شاطر
:D
نورت يا فندم ليك وحشه
محمد عتلم
الله يسلمك يا محمد
نورت يا باشا
اول مرة اجي
بس انتي دمك خفيف جدا و جميلة بوستاتك
قريت بتاع اللولب و ده و اللى قبله و اللى قبله
مكعب سكر فعلا
و اكيد مسمياه من اغنية بلاك تيما صح؟
تحياتي
أزيك يا كابتن / سامو
حمد الله على سلامتك إلي أرض بلوجر المحررة
وصعود موفق إن شاء الله
___
بس عايز أقول لمايكل ان ده مش أسلوب ولا مهنية إعلامية، الأعلامي يا مايكل لما بيناقش موضوع أو بيعرض خبر .. لازم لازم يكون محايد ويكون بيعرض الخبر لمجرد انه يعرضه .. ولو له رأى في الموضوع الى بيناقشه يلمح ليه في آخر الحلقة بعد ما يتصل او يستضيف الأطراف المعنية بالخبر .. ويشوف تعليقاتهم حولين الخبر ( المشكلة ) وبعدين يعلق هو في آخر الحلقة برايه الشخصي وبدون تجريح أو تعصب مهما كانت درجة أستفزاز الخبر
ولما مايقدرش يعمل كنترول علي نفسه .. يبقى لا يستحق ان يكون أمام الكاميرات .
دى المهنية الى احنا بندرسها يا مايكل كعمل إعلامي .. سواء في الكلية او على أرض الواقع .
لكن الى عمرو أديب عمله ده أسمه تلاعب بالخبر.. أو عرض الخبر لأعطاء نفسه مساحة يتكلم فيها (علشان يفتح الموضوع)عنه بدون أن يستمع لتعليقات اللاعيبة الى ما كانش عايز يسمع لهم أساساً وعايز يقول بس الى هو عايزه .
التهويل في خبر زى ده وفي مجتمعنا كان ممكن يقضي على الفريق الموجود حالياً سواء معنوياً ونفسياً وإجتماعياً وبكل الطرق .
قشطة .. بس كدة
بوست جديد بقي يا كابتن سامو
حمدالله على سلامتك يا قمر
انا شايفه ان الموضوع مش حقيقى
وانه بس اتعمل مجرد قلق حواليهم مش اكتر
وبعدين يعنى ما هما بيروحوا بلاد العالم كله
ماحبكتش ينحرفوا الا فى جنوب افريقيا :D
ايه العفانه اللى هما فيها دى :D
إرسال تعليق